【点新闻报道】近期移民外地港人回流的情况趋普遍，对于他们重返香港职场，就在网上掀起网民两极反应。有人斩钉截铁话唔会请回流人士，原因为是“去嗰边份工都搞唔掂要返嚟，适应能力真系有限公司”，不过有人则倾向请回流人士，“因为渠已经知香港比较适合自己，会稳定啲不会咁易辞职”。

有网民在社交平台threads发文表示，朋友的市场推广公司招聘时，多了回流的申请者，如果两个条件差唔多的人选，一个未走过，一个已回流，就倾向请回流者。对方解释指，“因为渠已经知香港比较适合自己，会稳定啲不会咁易辞职”，楼主则觉得“听落唔系好公平，但又好似有啲道理。”

不过，有网民持反对意见，“我做香港区主管，第一个out 回流candidate，做咩都咁容易放弃，无毅力个人亦唔系深思熟虑型，mentality 一定好低”、“我会拣唔系回流嗰个啰，第一过到去嗰边份工都搞唔掂要返嚟，适应能力真系有限公司，第二少少嘢就即刻打退堂鼓，第时公司点敢交啲project畀你做啊” 。

有网民就认为有时搵工都讲缘份，举例指“我公司都有个90年代由澳洲回流慨，渠一做就廿几年，刚做到退休渠地知搵食艰难，再跳糟机会低啲”、“其实只系唔偏向得太过分，我觉得已经ok㗎喇”。

有网民就揶揄回流港人根本是“败走”，“六年未够就返香港嗰啲唔系回流，系败走”、“千祈咪请呢D，完全养唔熟，好快搞死你间公司”、“回流得都已证明系废物一个唔使选啦”。

声明：该文仅代表作者本人观点，欢迎在下方【顶/踩】按钮中亮出您的态度。